ಲೆಕ್ಕಾಚಾರ ತಪ್ಪಿದ್ದೆಲ್ಲಿ? – ಪ್ರೇಮಲತ ಬಿ. ಅವರು ಬರೆದ ಪ್ರಶ್ನೆ

ಮಟ ಮಟ ಮಧ್ಯಾನ. ಪಾತ್ರೆ ಅಂಗಡೀಲಿ ಗುಂಡು ಇಡ್ಲಿ ಪಾತ್ರೆ, ಮಿಕ್ಸಿ ತಗೊಳೋಣ ಅಂತ ಹೋಗಿದ್ದೆ. “ಎಲ್ಲಿದ್ದೀರ ಮೇಡಂ?”ಪಾತ್ರೆ ಅಂಗಡಿ ಮಾಲೀಕ ಕೇಳಿದ.
“ಇಲ್ಲೆ ವಿಜಯನಗರ ಕಣಪ್ಪ” ಅಂದೆ.
“ಅಲ್ಲ ಮೇಡಂ,ಎಲ್ಲಿಂದ ಬಂದಿದ್ದೀರ ಅಂತ ಕೇಳಿದ್ದು” ಅಂದ!
‘ಎಲ ಇವನ? ಇನ್ನುರೈವತ್ತು ರೂಪಾಯಿ ಚೂಡಿದಾರ ಹಾಕಿದ್ದೀನಿ, ಕನ್ನಡದಲ್ಲಿ ಮಾತಾಡ್ತ ಇದ್ದೀನಿ, ನೋಡಕ್ಕೆ ಇವನ ಥರಾನೆ ಇದೀನಿ, ಪಟ್ ಅಂತ ಪರದೇಸಿ ಅಂತ ಕಂಡು ಹಿಡಿದನಲ್ಲ! ಭಾರೀ ಚುರುಕು ‘ ಅಂದುಕೊಂಡೆ.
ಮಗನಿಗೆ ದೇಸಿ ಬಟ್ಟೆ ತಗೋಳೋಣ ಅಂತ ಹೋದಾಗ್ಲು ಇದೇ ಅನುಭವ. ಈ ಸರ್ತಿ ಇನ್ನು ಚಿಕ್ಕ ವಯಸ್ಸಿನವನು!. ಜೊತೇಲಿದ್ದ ಅಕ್ಕ “ಬಹುಶಃ ನೀನು ಕನ್ನಡದಲ್ಲಿ ಮಾತಾಡಿದ್ದಕ್ಕೆ ಅವನಿಗೆ ತಿಳೀತು ಅನ್ನಿಸುತ್ತೆ” ಅಂದಳು. ಇದ್ಯಾವ ನ್ಯಾಯ ಸ್ವಾಮಿ, ಪರದೇಶದಲ್ಲಿ ಬರೀ ಆಂಗ್ಲ ಭಾಷೇಲಿ ಮಾತಾಡಿ, ಕರ್ನಾಟಕಕ್ಕೆ ಹೋಗಿ ಬಾಯ್ತುಂಬ ಕನ್ನಡ ಮಾತ್ತಾಡಂಗೂ ಇಲ್ವ? ಅಥವಾ ಮಾತಾಡಿದ್ರೆ ನಮ್ಮ ಪರದೇಶಿ ಸ್ತಾನ ಬಟಾಂಬಯಲಾ?
ದೂರದ ದೇಶದಲ್ಲಿ ಪರಕೀಯರಿರಲಿ, ನಮ್ಮ ದೇಶದಲ್ಲು ಪರಕೀಯರಾಗಿ ಬಿಟ್ವಲ್ಲ ಅಂತ ಹಪಹಪಿಸಿದೆ.

Street scene reduced

Read More »

Advertisements

ಬೃಹತ್ ಬೆಂಗಳೂರು – ಜಿ ಎಸ್ ಎಸ್ ಪ್ರಸಾದ್ ಬರೆದ ಕವಿತೆ

ಬೃಹತ್ ಬೆಂಗಳೂರು

ಬೆಳೆದಿದೆ ನಮ್ಮ ಬೆಂಗಳೊರು

ಇತಿಮಿತಿಗಳಿಲ್ಲದೆ, ಪರಿಮಿತಿಯ ಅರಿವಿಲ್ಲದೆ

ಹಬ್ಬಿದೆ ಕಾಡ್ಗಿಚ್ಚಿನ ಬೆಂಕಿಯಂತೆ

ಕಬಳಿಸಿದೆ ಸುತ್ತಲ ಹಳ್ಳಿ ಹೊಲ ಗದ್ದೆಗಳ

Bangalore – CC- Wiki

ಬೆಳೆದಿದೆ ನಮ್ಮ ಬೆಂಗಳೊರು

ನೆಲ ಕಬಳಿಸುವ ಭ್ರಷ್ಟರ ದುರಾಸೆಯತ್ತ

ಸಾಫ್ಟ್ವೇರ್ ಕಂಪನಿಗಳ ಹಿತಾಸಕ್ತಿಗಳತ್ತ

ಮಧ್ಯಮವರ್ಗ ಜನರ ಹೊಂಗನಸಿನತ್ತ

ಪ್ರಗತಿಯ ಹೆಸರಲ್ಲಿ ಎಲ್ಲವು ಅಸ್ಥವ್ಯಸ್ಥ!

ಕಂಡಕಡೆ ತಲೆಯತ್ತಿವೆ ಎತ್ತರದ ಫ಼್ಲಾಟ್ ಗಳು

ಕಾಂಕ್ರಿಟ್ ಅರಣ್ಯದಲಿ ರೋದಿಸಿವೆ ಮರಗಳು

ತಂಪಾಗಿದ್ದ ಉದ್ಯಾನ ನಗರಿಯಲ್ಲಿ

ಬೆವರು ಜಿಗುಪ್ಸೆ ಅಪಸ್ವರಗಳು

ಉಸಿರು ಕಟ್ಟಿಸುವ ಕಿಕ್ಕಿರಿದ ರಸ್ತೆಗಳು

ಮೆಟ್ರೋ ಹಾದಿಗೆ ಅಗೆದ ಕಲ್ಲು, ಮಣ್ಣು, ಧೂಳು

ಲಂಗು ಲಗಾಮಿಲ್ಲದ ಕುದುರೆಯಂತೆ

ಮುನ್ನುಗ್ಗುವ ವಾಹನಗಳು

ಅಸಮಾಧಾನದ ಕರ್ಕಶ ಗೊಂದಲಗಳು

ನಗಾರಭಿವೃದ್ದಿ ಕಛೇರಿಗಳಲಿ ಲಂಚಾವತಾರ

ಕನ್ನಡೇತರರಿಗಿದು ನೆಚ್ಚಿನ ಆಗರ

ಗುರುತಿಸಲಾರೆ ನಗರದ ಅಂತರಂಗ ಆಕಾರ

ಬೆಳವಣಿಗೆಯ ನೆಪದಲ್ಲಿ ನಗರವಾಗಿದೆ ವಿಕಾರ!