ಡಾ ಜಿ ಎಸ್ ಶಿವಪ್ರಸಾದ್

ನನ್ನ ಒಂದು ಲಘು ಕವನ ನಿಮ್ಮ ಗಮನಕ್ಕೆ

 -ಸಂ

ಹೇಳೇ ರಾಧಾ ಹೇಗಿದ್ದೀಯ 
ಫೋನಿನಲ್ಲಿ ಮಾತಾಡಿ ದಿನಗಳಾದವಲ್ಲ 
ಮಾತನಾಡುವುದೇನಿದೆ ಅಮ್ಮ 
ಮೆಸೇಜ್ ಮಾಡುತ್ತಿದ್ದೆನಲ್ಲಾ 

ಸೀರೆ ಬ್ಲೌಸ್ ತರಲೇನೆ ರಾಧಾ 
ಹಬ್ಬಕೆ ನಿನಗೇನೂ ಕೊಟ್ಟಿಲ್ಲ 
ಸೀರೆಯ ನಾನು ಉಡುವುದೇ ಇಲ್ಲ 
ಜೀನ್ಸ್ ಪ್ಯಾಂಟ್, ಮಿನಿಸ್ಕರ್ಟ್ ಇದೆಯಮ್ಮ  

ಚಪಾತಿಯಮಾಡಿ ಕಳುಹಿಸಲೇ ರಾಧಾ 
ಸೊರಗಿಹೋಗಿರುವೆಯಲ್ಲ
ಪಿಜ, ಪಾಸ್ಟಾ ತರಿಸಿಕೊಳ್ಳುವೆ ಅಮ್ಮ 
ಸ್ವಿಗ್ಗಿ, ಡೆಲಿವರೂ ಇವೆಯಲ್ಲ 

ಸಿನಿಮಾಗೆ ಹೋಗೋಣ ರಾಧಾ 
ನಾಳೆ ಮನೆಗೇ ನೆಟ್ಟಗೆ ಬಾರಮ್ಮ 
ಸಿನಿಮಾ ನೋಡಲು ಟೈಮಿಲ್ಲಮ್ಮ 
ನೆಟ್ ಫ್ಲಿಕ್ಸ್ ಪ್ರೈಮ್ ಇದೆಯಮ್ಮ 

ಒಂಟಿ ಬದುಕೇಕೆ ರಾಧಾ 
ಬೇಗ ಮದುವೆಯಾಗಮ್ಮಾ 
ಜೊತೆಯಲಿ ಬಾಯ್ ಫ್ರೆಂಡ್ ಇದ್ದಾನಲ್ಲಾ 
ಮುದುವೆಗಿದುವೇ ಯಾಕಮ್ಮ