ಏನಿದರ ಹೆಸರು?

ಸಂಬಂಧಗಳ ಆಳವಳೆಯುತ್ತ ಪದರುಗಳನ್ನು ಬೇರ್ಪಡಿಸುತ್ತ ಪ್ರಶ್ನೆಗಳ ತರಂಗಗಳನ್ನೆಬ್ಬಿಸಿದ್ದಾರೆ ಸುದರ್ಶನ್ ತಮ್ಮ ಹೊಸ ಕವನದಲ್ಲಿ. ಓದುತ್ತಿದಂತೆ ನಿಮ್ಮ ವಿಚಾರ ಲಹರಿಯನ್ನು ಹರಿ ಬಿಡುವುದರಲ್ಲಿ ಯಾವ ಸಂದೇಹವೂ ಇಲ್ಲ.

ಜಗ ಎದುರು ಬಿದ್ದಾಗ ಜಗದೆದುರು ಬಿದ್ದಾಗ

ಜಗದ ಜೀವರುಗಳೆಲ್ಲ ನಕ್ಕಾಗ

ಜಗಕೆ ಕಿವಿಗೊಡದಂತೆ ಜಗದ ಪರಿವೆಯ ಚಿಂತೆ

ಇರದಂತೆ ನೀನಂದು ನನಗಾಗಿ ನಿಂತೆ

 

 

ಕೈ ಚಾಚಿ ಎಬ್ಬಿಸುತ ಮೈ ಮನವ ಝಾಡಿಸುತ

ಮೈದಡವಿ ಮನದಲ್ಲಿ ಮನದಲ್ಲಿ ಧೈಯ೯ ಮೂಡಿಸಿದೆ

ತನುವ  ಧೂಳನು ಒರೆಸಿ ಮನದ ಗಾಯವ ಮರೆಸಿ

ಹಳೆಯ ಪುಟಗಳ ಹರಿದು ಹೊಸದು ತೋರಿಸಿದೆ

 

ಹೊಸ ಬದುಕ ನಾಳೆಗಳು, ನಾಳೆಗಳ ಹಾಳೆಗಳು

ಹಾಳೆಗಳು ತುಂಬಿರುವ ಪುಸ್ತಕವಿದೆ

ಪುಸ್ತಕದ ಮೊದಲೇನು, ನಡುವೇನು ಕೊನೆಯೇನು

ಪುಸ್ತಕದ ತುಂಬೆಲ್ಲ ನಿನ್ನಿರುವಿದೆ

 

ಕರುಳ ಕುಡಿ ನಾವಲ್ಲ, ಕರುಳ ರಕ್ತವು ಇಲ್ಲTree of Love by Natasha Tayles | acrylic painting | Ugallery Online Art Gallery. This may need to be a quilt.

ನೆರೆ ನೆರೆದು ನಿಂತ ಸಂಬಂಧಗಳು ಇಲ್ಲ

ಬರಿದೆ ಭಾವದ ಬೇರು ಹೀರಿ ಪ್ರೀತಿಯ ನೀರು

ಬೆಳೆಸಿರುವ ಈ ತರುವಿಗೇನು ಹೆಸರು?

 

ನಿನಗೇನು ಅಲ್ಲದ ಎನಗಾರು ನೀನು?

ನಮ್ಮ ನಡುವಿನ ಬಂಧಕಿರುವ ಹೆಸರೇನು?

-ಸುದರ್ಶನ ಗುರುರಾಜ ರಾವ್

Advertisements

ಹರೆಯ!!

ತಾರುಣ್ಯದ ಹೊಸಿಲಲ್ಲಿ ಜೀವನದ ಮೊಗ್ಗು ಹಗುರಾಗಿ ಒಂದೊಂದೇ ಪದರನ್ನು ಬಿಡಿಸುವ ಕಾಲ ಹರೆಯ. ಬಾಲ್ಯ ಎಂದು ಕಳೆದು ಈ ಹೊಸಿಲನ್ನು ದಾಟುತ್ತೇವೆ ಎಂಬ ಅರಿವು ಬರುವ ಮೊದಲೇ; ಕಣ್ಣು ರೆಪ್ಪೆ ಹೊಡೆಯುವಷ್ಟರಲ್ಲಿ; ಉಸಿರೆಳೆದು ಬಿಡುವಷ್ಟರಲ್ಲಿ ಹರೆಯದ ಮಾಧುರ್ಯ ಆರಿರುತ್ತದೆ. ಹರೆಯದ ಒಗಟನ್ನು ಬಿಡಿಸುತ್ತ ಹೋಗಿದ್ದಾರೆ ಪ್ರೇಮಲತಾ…

Image result for butterflyಮನವು ಮೂಕವಾಗಿ, ಮನಸು ಹಗುರಾಗಿ

ಸ್ನೇಹದಲೆಯ ಮಧುರ ಭಾವನೆಯಾಗಿ

ಮನೆಯವರು ಹೇಳುವುದು ತಪ್ಪು-ಬೆಪ್ಪಾಗಿ

ಕಾಣಿಸುವಾಗ  ನಿಶ್ಯಬ್ದವಾಗಿ, ಕಾಲಿಟ್ಟಿತೇನು?

ಇದೇ ಮನೆ ಹುಡುಗಿ, ಅದೇ ಪಕ್ಕದ್ಮನೆ ಹುಡುಗ

Image result for romance ಕಣ್ಣುಗಳು ಸಂಧಿಸಿದಾಗ, ಮಿಂಚೊಂದು ಹೊಡೆದು

ಅಕಸ್ಮಾತ್ತಾಗಿ ಕೈತಾಗಿದರೆ ಮೈ ಬಿಸಿಯಾಗಿ ಮನ

ಮುದಗೊಂಡಾಗ, ಕದ್ದು ಪ್ರವೇಶಿಸಿತೇನು?

Girl with Mirror
ದರ್ಪಣಸುಂದರಿ (ಕೃಪೆ: kamat.com)

ಕನ್ನಡಿಯೆದುರು ನಿಂತು ಕಾಲ ಮರೆತಾಗ

ಬಾಗಿಲು ಮುಚ್ಚಿ, ಬದಲಾದ ದೇಹ ನಿರುಕಿಸಿದಾಗ

ಮನಸ್ಸು ಹಿಗ್ಗಿ,ಕಣ್ಣುಗಳು ನಾಚಿ ಬೆದರಿ,

ಬಟ್ಟೆಯಲು ಕಂಡಿತೆಂಬ ಆತಂಕದಲಿ, ಇಣುಕಿಟ್ಟಿತೇನು?

 

 

 

 

ಜಗವೆಲ್ಲ ಬಲ್ಲ ಹುರುಪು, ಮಾತು ಮಾತಲ್ಲೂ ನಗು,

ಹೊಸಬಟ್ಟೆ, ವೇಷ, ಮೇಕಪ್ಪಿನಲಿ ಹಿಗ್ಗು

ಸಿನಿಮಾ-ಟಿವಿ ಚುಂಬನ ದೃಶ್ಯದಲಿ ರೋಮಾಂಚನ

ಮುಖದಮೊಡಮೆಯಸಿಂಚನದಲಿ,ಕಾಣಿಸಿಕೊಂಡಿತೇನು?

Image result for dialogue clipart

ಅವಳೂ ಸುಂದರ, ಇವನೂ ಸುಂದರ, ಮಿಕ್ಕೆಲ್ಲ ಮುದಿಗೊಡ್ಡು

ಸಣ್ಣವರು ತಮ್ಮ-ತಂಗಿ, ಅವರ ಲೆಕ್ಕವೇನು ಬರೀ ಮೊದ್ದು

ತಾರುಣ್ಯದ ಹೊಸವೇಗವೇ ಸರಿ,ಎಲ್ಲ ಹೀಗೇ ನಿರ್ಧರಿತ

ಸರಸ-ಸಲ್ಲಾಪ,ಧಿಡೀರ್ ಮುನಿಸು, ಅನುಭವಕ್ಕೆ ಬಂತೇನು?

——–       ಪ್ರೇಮಲತ.ಬಿ