5 thoughts on “ಐದು ಕವನಗಳು – ಕೇಶವ ಕುಲಕರ್ಣಿ”

1. ಕೇಶವ್ ಅವರ ಕವನ ಮತ್ತು ಬರಹಗಳು ಸಂಪ್ರದಾಯ ಕಟ್ಟಳೆಗಳನ್ನು ಮುರಿದು ಹೊರನಿಲ್ಲುವ ಪ್ರಯತ್ನ. ಅವರು ಹೊಸ ಹೊಸ ಪ್ರಯೋಗಗಳ ಅನ್ವೇಷಣೆಯಲ್ಲಿ ತೊಡಗುವ ಲೇಖಕ. ಅವರ ಬರಹದಲ್ಲಿನ ಪದಗಳ ಆಯ್ಕೆ, ಜೋಡಣೆ, ಆಲೋಚನೆ, ಶೈಲಿ ಇವುಗಳಲ್ಲಿ ಯಥಾಸ್ಥಿತಿಯನ್ನು ಪ್ರಶ್ನಿಸುವ ಒಂದು ಬಂಡಾಯವಿದೇ ಎಂಬುದು ನನ್ನ ಅನಿಸಿಕೆ. ಸಮಕಾಲೀನ ಬದುಕಿನ ಹಲವಾರು ಮಜಲುಗಳನ್ನು ತೂರಿ ಬದುಕಿನ ವಾಸ್ತವತೆಯನ್ನು, ಕಠೋರ ಸತ್ಯಗಳನ್ನು, ನಂಬಿಕೆ, ನಿರಾಶೆಗಳನ್ನು , ಸಮಾಜದ ಅಂಕು ಡೊಂಕುಗಳನ್ನು ವಿಮರ್ಶಿಸುವ ಯತ್ನ ಕೇಶವ್ ಅವರದ್ದು. ಬದಲಾಗದೆ ಯಥಾ ಸ್ಥಿತಿಗೆ ಮರಳುವ ಮತ್ತು ಸಂಪ್ರದಾಯದಲ್ಲೇ ವಿಜೃಂಭಿಸುವ ಬದುಕಿನ ಬಗ್ಗೆ ಕವಿಗೆ ವ್ಯಥೆ ಇರುವುದು ‘ಮನೆಯ ನಾಯಿ’ ಎಂಬ ಕವನದಲ್ಲಿ ಕಾಣಿಸಿಕೊಳ್ಳುತ್ತದೆ. ಈ ಕವನ ನನಗೆ ವಿಶೇಷವಾಗಿ ಕಾಣಿಸಿತು. ಈ ಕವನಕ್ಕೆ ಸಾವಿಲ್ಲ. ಬದುಕಿನ ಹಲವಾರು ಸನ್ನಿವೇಶಗಳಿಗೆ ಸುಲಭವಾಗಿ ಹೊಂದಿಕೊಳ್ಳುವ ಕವಿತೆ ಇದು. ಈ ಕವಿತೆಯಲ್ಲಿ ಬರುವ “ಆ ನಾಯಿ”, “ಈ ನಾಯಿ” ಮತ್ತು “ದಾಸರ ಪದ ಒಟಗುಟ್ಟುವ ಅಜ್ಜಿ” ಒಂದು ವಿಡಂಬ ನಾಟಕದ ಪಾತ್ರಧಾರಿಗಳಂತೆ ಕಾಣುತ್ತಾರೆ. ಈ ಕವನವನ್ನು ಮತ್ತೆ ಮತ್ತೆ ಓದಿದಾಗ ಅದು ಹೊಸ ಪ್ರಸಂಗಳನ್ನು, ಹೊಸ ಅರ್ಥವನ್ನು ನೀಡುತ್ತದೆ. ಇದೇ ಕವನದ ಶಕ್ತಿ ಎನ್ನಬಹುದು. ‘ನಾಯಿ ಬೊಗಳಿದರೆ ದೇವಲೋಕ ಹಾಳಾಗುವುದಿಲ್ಲ’ ಎಂಬ ಉಕ್ತಿಯನ್ನು ನೆನಪಿಗೆ ತರುತ್ತದೆ. ಈ ಕವನ ಹಲಾವಾರು ರಾಜಕೀಯ ಸಾಮಾಜಿಕ ಆಗುಹೋಗುಗಳ ಹಿನ್ನೆಲೆಯಲ್ಲಿ ಹೊಸ ಹೊಳಹನ್ನು ನೀಡುತ್ತದೆ. ಇದೇ ಮಾದರಿಯಲ್ಲಿ, ಇದೆ ರೀತಿ ರೂಪಕಗಳನ್ನು ಬಳಸಿಕೊಂಡು ಕೇಶವ್ ಒಂದು ಪ್ರಾಯೋಗಿಕ ನಾಟಕವನ್ನು ಬರೆಯಬಹುದು. ಅದನ್ನು ಅವರು ಪರಿಗಣಿಸಲಿ ಎಂದು ಆಶಿಸುತ್ತೇನೆ.

   ಬ್ಯುಟಿಫುಲ್ ಹುಡುಗಿಯರು ಎಂಬ ಕವಿತೆ ಕಟ್ಟಾ ಸ್ತ್ರೀವಾದಿಗಳಿಗೆ ಇಷ್ಟವಾಗದಿರಬಹುದು. ಸೀರಿಯಸ್ ಕವಿತೆಗಳ ನಡುವೆ ಒಂದಿಷ್ಟು ನಗೆಹನಿಯನ್ನು ತರಬೇಕೆಂಬುದು ಕವಿಯ ಆಶೆ ಇರಬಹುದಷ್ಟೇ. ಎಲ್ಲ ಕವಿತೆಗಳು ಒಂದೇ ಓದಿಗೆ ಎಟುಕುವ ಸರಳ ಕವಿತೆಗಳು. ಇಲ್ಲಿ ಪದಗಳ ವಿಜೃಂಭಣೆ ಇಲ್ಲ, ಅತಿಯಾದ ಅಲಂಕಾರಗಳಿಲ್ಲ, ಪ್ರಾಸವಿಲ್ಲ, ಭಾವುಕತೆ ಇಲ್ಲ, ಬದಲಾಗಿ ಹೊಸ ತಾಜಾತನವಿದೆ, ನಮಗೆ-ನಿಮಗೆ ಪ್ರಸ್ತುತವಾದ ಸಾಧಾರಣ ವಿಚಾರಗಳ ಬಗ್ಗೆ ಚಿಂತನೆಗಳಿವೆ. ಉತ್ಕೃಷ್ಟ ಕವನ ಗುಚ್ಛ.

   LikeLike

   Reply

2. ಈ ಸಲ ಕೇಶವ ಅವರ 5 ಕವನಗಳನ್ನು ’ವಿಭಿನ್ನ’ ಕವನಗಳು. ವಿಭಿನ್ನ ’ಕೃತಕ ಬುದ್ಧಿಮತ್ತೆ’ಯ ಚಿತ್ರಗಳೊಂದಗೆ. ಮೊದಲ ಸಲ ’ಅನಿವಾಸಿ’ಯಲ್ಲಿ ಅವರ ‘ಮಾವು’ ಕವನದಿಂದ (14-2-2014) ಹಿಡಿದು ಹಲವಾರು ಕಥೆ, ಕವನ್, ವಿಮರ್ಶೆಗಳನ್ನು ಒಡಿದ್ದೇನೆ, ಅವರು ಬರೆದ ಹೆಚ್ಚು ಕಡಿಮೆ 1000 ’ನೀಲು’ಗಳಲ್ಲಿ ಅರ್ಧದಷ್ಟು ಓದಿದ್ದೇನೆ, ಕೆಲವನ್ನು ಅವರೊಡನೆ ಇಂಗ್ಲೀಷಿಗೆ ಅನುವಾದ ಮಾಡಿದ್ದೇನೆ. ಅವರ ಬರವಣೆಗೆಯಲ್ಲಿ ಯಾವಾಗಲೂ ಭಿನ್ನತೆ ಮತ್ತು ಹೊಸ ಹೊಸತು ಕಾಣುತ್ತಿರುತ್ತದೆ. ಮೊದಲ ಸಲ ಅನಿವಾಸಿಯಲ್ಲಿ AI (artificial intelligence) ಚಿತ್ರಗಳು ಅವರಿಂದ. ಈ ಕವನಗಳಲ್ಲಿ ಕಾಣುವದು, ತಮ್ಮ ಅನುಭವದ ಮೂಸೆಯಿಂದ ಬಂದ ಪ್ರಾಮಾಣಿಕ ಅಭಿವ್ಯಕ್ತಿ, ನೀಲುವಿನಲ್ಲಿ ಕಾಣುವಂಥ ಅನೇಕ aphorisms. ಎಂದೂ ಸಾಯದ ಕಥೆಗಾರ-ನಿಮಾಪಕ ನಡುವಿನ ಭಿನ್ನಾಭಿಪ್ರಾಯ, ಬೊಗಳುವ ನಾಯಿಯ ರೂಪಕದಲ್ಲಿ ನಮಗೂ ಕನ್ನಡಿ ಹಿಡಿಯುತ್ತ, Bloody Men ಕವನವನ್ನು ’ನಮ್ಮ ಬೆಂಗಳೂರಿಗೆ ಅಳವಡಿಸಿದ ರೀತಿ, ಕೊನೆಯ ಕವನದಲ್ಲಿ ಆಧ್ಯಾತ್ಮದ ಜೊತೆಗೆ ಆಧುನಿಕತೆಯ ವಿಡಂಬನೆ-ಇವೆಲ್ಲವುಗಳಲ್ಲಿ ಒಂದು ಹೊಸತನ-ಭಿನ್ನತೆ ಎರಡನ್ನೂ ಕಾಣುತ್ತೇವೆ. ಎರಡನೆಯ ಕವಿತೆಯೆಲ್ಲಿಯ ’ಮುಜುಗರವಿಲ್ಲದೆ ಪೆಂಡಾಲು ಕಟ್ಟುವ ಹುಡುಗ’ ”ಭಗ್ನ ಪ್ರೇಮಿಗಳ ರಾಷ್ಟ್ರಗೀತೆ” ಎಂದೇ ಪ್ರಸಿದ್ಧವಾದ ಸಿದ್ಧಲಿಂಗ ಪಟ್ಟಣಶೆಟ್ಟಿಯವರ ಕವನದ ’ನಿನ್ನ ಮದುವೆಯ ರಾತ್ರಿ ಮೆರವಣಿಗೆಯಾಗುತಿರೆ ಕಣ್ಣ ಗುಡ್ಡಿಗಳ ಹಿಲಾಲನ್ನೇ ಹಿಡಿದೇನು’ ಸಾಲನ್ನು ನೆನಪಿಸಿತು. ಅದೇ ಭಾವ, ಅಷ್ಟೇ ಚಂದವಾಗಿ ಬಂದಿದೆ. ಕವಿಯಾಗಿ, ಸಂಪಾದಕರಾಗಿ ಹೊಸ ಮೆನ್ಯು ಬಡಿಸಿದ ಕೇಶವ ಅವರಿಗೆ ಅಭಿನಂದನೆಗಳು.AI ಚಿತ್ರಗಳು ಮತ್ತು A1 ಕವನಗಳು!
   ಶ್ರೀವತ್ಸ ದೇಸಾಯಿ

   LikeLike

   Reply

3. Hari haridu baredaroo
   Bare baredu haridaroo
   Ninnante bareyalare
   Vimarsisalare

   LikeLike

   Reply

4. ಎಲ್ಲ ಪದ್ಯಗಳು ಭಿನ್ನ ಪ್ರಯೋಗ ಅಂತ ಕವಿ ಹೇಳಿದ್ದರೂ- ಎಲ್ಲವನ್ನೂ ತಳುಕು ಹಾಕಬಲ್ಲ ವಿಚಾರಗಳಿವೆ.
   ಮೊದಲಿನ ಮಾರ್ದವತೆ, ನಂತರದ ಆಳ ಇರಿತ ಮತ್ತು ಲೋಕ ಸತ್ಯ!
   1)ಮೊದಲ ಪದ್ಯದಲ್ಲಿ ಮೊದಲಿಗೆ ವಾಸ್ತವ ಸ್ಥಿತಿಯ ವಿಶ್ಲೇಷಣೆ ಮಧ್ಯದಲ್ಲಿ ಅಸಹಾಯಕ ಸ್ಥಿತಿಯ ವಿಡಂಬನೆ ಮತ್ತು ಕೊನೆಯ ಭಾಗದಲ್ಲಿ ಸಂಧಾನಗಳ ವಿಡಂಬನೆಯಿದೆ. ಇದನ್ನು ಬಹಳಷ್ಟು ವಿಷಯಗಳಿಗೆ ಅನ್ವಯಿಸಿ ಕೊಳ್ಳುವ ಹರವಿದೆ.

   2) ಎರಡನೇಯದರಲ್ಲಿ ಬದುಕಿನ ತಾರತಮ್ಯ ಗಳು, ಪ್ರೀತಿ ಪ್ರೇಮದ ಮಾಯೆ ಇದ್ದರೂ ಕವಿತೆ ತುಂಬಾ defensive ಆಗಿಬಿಡುತ್ತದೆ. ಕಳೆದುಕೊಳ್ಳುತ್ತಿರುವ ದುಃಖವನ್ನು ಇನ್ಯಾವುದನ್ನೋ ಪ್ರಶ್ನಿಸುವ, ಟೀಕಿಸುವ ಸೆಡ್ಡು ಹೊಡೆಯುವ ಅರ್ಥದಲ್ಲಿ ಸ್ವಾಭಿಮಾನವನ್ನು ಬಿಂಬಿಸುತ್ತದೆ. ಆದರೆ ಢಾಳಾಗಿ ಕಾಣುವ ಪೊಗರಿನ ಹಿಂದೆ ಅಲ್ಲಿರುವುದು ಕೂಡ ನೋವಿನ ಅಸಹಾಯಕತೆಯೆ! ಎನ್ನುವಲ್ಲಿ ಆ ಭಗ್ನ ಪ್ರೇಮಿಯ ಬಗ್ಗೆ ಮನಸ್ಸು ಮಿಡಿಯುತ್ತದೆ.

   3) ತಡೆ, ತುಡಿತ, ಗೆರೆಗಳು, ಅಸಹಾಯಕತೆ, ಅನುಭವ ಮತ್ತು ಒಂದಿಷ್ಟು ಆಧ್ಯಾತ್ಮಿಕತೆಗಳನ್ನು ರೂಪಕಗಳಲ್ಲಿ ಇಟ್ಟ ಕವಿತೆ.

   4) Dangerous! ಗಂಡಸಿಗೆ ಹುಡ್ಗೀರು ಹತ್ತಿಳಿದು ಬಿಡಲು ಸಹಾಯ ಮಾಡುವ ವಾಹಗಗಳಾಗಿ ಕಂಡಿರುವುದನ್ನು ಸ್ತ್ರೀ ಯರು ವಿರೋಧಿಸುವ risk ಇದೆ.
   ಅದು BMTS ಕೆಂಪು ಬಸ್ಸುಗಳೇ ಆದರು ಕವಿಗಳು ಇಲ್ಲಿ ಹುಷಾರಾಗಿರಬೇಕಾದ್ದು ಅನಿವಾರ್ಯ!
   ಅದರ ಜೊತೆಗೆ ಐಶಾರಾಮಿ ಕಾರುಗಳು ಮೇಲೆ ಬೇರೆ ಕಣ್ಣು 😎 ಯಪ್ಪಾ 🤔😅
   ಜೊತೆಗೆ ಹೆಲ್ಮೆಟ್ ಇದ್ದರೆ ಒಳಿತು

   I enjoyed the thought process of the poem for sure.

   5) ವ್ಯೋಮ ಕಾಯದ ಕಲ್ಪನೆ. ಸ್ವರ್ಗ- ನರಕಗಳ ವರ್ಣನೆ.ಅದಲಿ – ಬದಲಿನ ಪರ್ಯಟನೆ ನಾವು ಭೂಮಿಯ ಮೇಲೆ ಅನುಭವಿಸುತ್ತಿರುವುದರ ವಿಡಂಬನೆ ಯಾಗಿ ಕವನ ಗಮನ ಸೆಳೆಯುತ್ತದೆ.
   ವಿಫುಲವಾದ ಸಂಚಿಕೆ. ಸಂಪಾದಕ ಮತ್ತು ಕವಿ ಕೇಶವರಿಗೆ ಅಭಿನಂದನೆಗಳು 💐👏👏👏

   LikeLike

   Reply

5. ವಾಸ್ತವದ ವಕ್ರತೆಗಳನ್ನು ಸರದಂತೆ ಜೋಡಿಸಿದ್ದಾರೆ ಕೇಶವ ತಮ್ಮ ಕವಿತೆಗಳಲ್ಲಿ. ತೀಕ್ಷ್ಣ, ಒಣ ವಿಡಂಬನೆಯ ಬ್ರಿಟಿಷುತನದ ಹುರಿಯ ಸಾಲುಗಳು. “ ವಯಾಗ್ರದ ಯಯಾತಿಗಳು” ನಿಗ್ರಹವಿರದ “ಯತಿ”ಗಳಿಗೆ ಪದಗಳ ಛಡಿ.

   ಕತೆಗಾರನದೊಂದು ದೃಷ್ಟಿ
   ನಿರ್ಮಾಪಕನದೊಂದು ದೃಷ್ಟಿ
   ಅವರವರ ದೃಷ್ಟಿ ಅವರವರಿಗೆ ಬಲ
   ಆ ದೃಷ್ಟಿ ಬೆಳೆದ ಫಸಲು ಎಲ್ಲರಿಗನುಕೂಲ

   ಇಲ್ಲದಿದ್ದರೆ ತೇಜಸ್ವಿಯ ತಬರ ಕಾಸರವಳ್ಳಿಯ ಕಣ್ಣಿನಲ್ಲರುಳುತ್ತಿರಲಿಲ್ಲ!
   ಕಾಯ್ಕಿಣಿಯ ಕಲಮು ಜನಜನರ ಮನಸ್ಸಿನಲ್ಲಿ ಕುಣಿಯುತ್ತಿರಲಿಲ್ಲ!

   ಇಲ್ಲದಿದ್ದರೆ ಕಥೆಗಾರರ ಪಾಡು ತಿರುಗಿಯೂ ನೋಡದ ನಾಯಿಯತ್ತ ಬೊಗಳಿ ಸುಮ್ಮನಾಗುವ ನಾಯಿಯಂತೆ!
   ಖಾಲಿ ಪೆಂಡಾಲಿನ ರದ್ದಿ ಕಾಗದದಂತೆ
   ಬೆಂಜ್ ಕಾರಿಗೆ ಹೊಟ್ಟೆ ಉರಿಸಿಕೊಂಡಂತೆ
   ಗ್ರಹಚಾರದ ತಲೆಗೆ ಸಾಲ ಕಟ್ಟಿದಂತೆ

   ಕಥೆಯ ಚೌಕಟ್ಟಿಗೆ, ಕಟ್ಟೆಗೆ, ಕಿಟಕಿಗೆ ಕಥೆಗಾರನ ಕಲ್ಪನೆಯ ನೋಟವೂ ಬೇಕು; ನಿರ್ಮಾಪಕನ ವ್ಯಾವಹಾರಿಕ ದೃಷ್ಟಿಯೂ ಬೇಕು. ಒಪ್ಪಿಕೊಳ್ಳುವ ಮುಕ್ತತೆ ಇದ್ದರೆ ತಂಡ, ಇಲ್ಲದಿರೆ. . .

   ಮುರಳಿ

   LikeLike

   Reply

Leave a Reply Cancel reply

Enter your comment here...

Fill in your details below or click an icon to log in:

Email (Address never made public)

Name

Website

You are commenting using your WordPress.com account. ( Log Out /  Change )

You are commenting using your Twitter account. ( Log Out /  Change )

You are commenting using your Facebook account. ( Log Out /  Change )

Cancel

Connecting to %s

Notify me of new comments via email.

Notify me of new posts via email.

Δ

This site uses Akismet to reduce spam. Learn how your comment data is processed.