ಪ್ರಿಯ ಅನಿವಾಸಿ ಓದುಗರೇ, ಜನವರಿ ೧೮  ರಂದು YSKB ತಂಡದವರು   ಸಂಕ್ರಾಂತಿ ಸಂಜೆ ಮತ್ತು ‘ಅನಿವಾಸಿ’ ಯ ಐದನೇ ವಾರ್ಷಿಕೋತ್ಸವವನ್ನು ವಿದ್ಯುಕ್ತವಾಗಿ  ಆಚರಿಸಿ ಸಂಭ್ರಮಿಸಿದರು. YSKB ತಂಡದವರು ಸಂಕ್ರಾಂತಿ ಸಂಜೆಯಲ್ಲಿ  ಎಳ್ಳು ಬೆಲ್ಲದ ಜೊತೆಗೆ , ಮೈ ಚಳಿ ಬಿಡಿಸಲು ಬಿಸಿ ಬಿಸಿ ಬಜ್ಜಿ, ಟೀ/ಕಾಫಿ ಹಾಗೂ ರಾತ್ರಿಯೂಟಕ್ಕೆ ಪೊಂಗಲ್ ಬಡಿಸಿದ್ದರಂತೆ. ‘ಅರೆ! ಅದೆಲ್ಲಾ ಇರಲಿ YSKB  ಅಂದರೆ ಏನು ಹೇಳು ಮಾರಾಯ’ ಅಂತ ಮನಸ್ಸೊಳಗೆ ಗೊಣಗುತ್ತಿದ್ದೀರಾ?. ಬನ್ನಿ YSKB  ಎಂದರೆ ಏನು ಎಂದು ಅದರ ಸಂಸ್ಥಾಪಕ ಸದಸ್ಯರಲ್ಲೊಬ್ಬರಾದ ಡಾ||ಶ್ರೀವತ್ಸ ದೇಸಾಯಿ ಅವರ ಬಾಯಿಯಲ್ಲೇ ಕೇಳೋಣ. 

ಗೊತ್ತಾಯಿತಲ್ಲವಾ , YSKB  ಎಂದರೆ ವಯಸ್ಸಾದವರ  ಕನ್ನಡ ಬಳಗ ಅಲ್ಲ ಇದು ಯುವಕರ ಕನ್ನಡ ಬಳಗ !! . ಈ ವಾರ ನಾವು ಅನಿವಾಸಿಯಲ್ಲಿ  ಡಾ . ಜಿ. ಎಸ್. ಶಿವಪ್ರಸಾದ್ ರವರು  “ಸಂಕ್ರಾಂತಿ ಸಂಜೆ” ಯ ಬಗ್ಗೆ ಬರೆದ ಒಂದು ಸಂಪೂರ್ಣ ವರದಿಯನ್ನು  ಪ್ರಕಟಿಸುತ್ತಿದ್ದೇವೆ. ಅಷ್ಟೇ ಅಲ್ಲದೆ ಈ ಸಂಕ್ರಾಂತಿ ಸಂಜೆಯಲ್ಲಿ ಅನಿವಾಸಿಯ ಕವಿಗಳಾದ ಕೇಶವ್ ಕುಲ್ಕರ್ಣಿ ರವರು, ಗೌರಿ ಪ್ರಸನ್ನ ರವರು ಮತ್ತು ಶಿವಪ್ರಸಾದ್ ರವರು  “ಕವಿ ನೋಡಿ ಕವಿತೆ ಕೇಳಿ”  ಕಾರ್ಯಕ್ರಮದಲ್ಲಿ ವಾಚಿಸಿದ ಹಾಸ್ಯ ಕವಿತೆ ಗಳನ್ನೂ ಕೂಡಾ ಪ್ರಕಟಿಸಿದ್ದೇವೆ. ಓದಿ, ನೋಡಿ,  ಕೇಳಿ  ಜೊತೆಗೆ ನಿಮ್ಮ ಕಾಮೆಂಟುಗಳಿಂದ ಪ್ರೋತ್ಸಾಹಿಸಿ.                       

-ಶ್ರೀನಿವಾಸ ಮಹೇಂದ್ರಕರ್ 

ಎಳ್ಳು ಬೆಲ್ಲಗಳ ನಡುವೆ ಹೀಗೊಂದು ಸಂಕ್ರಾಂತಿ ಸಂಜೆ

ಬರೆದವರು: ಡಾ . ಜಿ. ಎಸ್. ಶಿವಪ್ರಸಾದ್

ಹಾಗೆ ಯಾರ್ಕ್ ಶೈರ್ ಸದಸ್ಯರು ಯು ಕೆ ಕನ್ನಡ ಬಳಗದ ಕಾರ್ಯಕಾರಿ ಸಮಿತಿಗೆ ಆಯ್ಕೆಯಾಗಿ ಕೆಲಸ ಮಾಡಿದ್ದಾರೆ, ಮಾಡುತ್ತಿದ್ದಾರೆ. ಯು ಕೆ ಕನ್ನಡ ಬಳಗದ ಕಾರ್ಯಕ್ರಮದಲ್ಲಿ ನೋಂದಾಯಿಸಿಕೊಂಡು ಸಕ್ರಿಯವಾಗಿ ಭಾಗವಹಿಸಿದ್ದಾರೆ. ಅನೇಕ ಸಾಂಸ್ಕೃತಿಕ ನೃತ್ಯ ಸಂಗೀತ ಕಾರ್ಯಕ್ರಮಗಳನ್ನು ಯುಗಾದಿ ದೀಪಾವಳಿಯಲ್ಲಿ ಒದಗಿಸಿದ್ದಾರೆ. ಚೆಸ್ಟರ್ ಫೀಲ್ಡ್, ಮತ್ತು ಡೋಂಕಾಸ್ಟರ್ ಗಳಲ್ಲಿ ಸ್ಮರಣೀಯವಾದ ಯುಗಾದಿ ದೀಪಾವಳಿಗಳನ್ನು ನಡೆಸಿಕೊಟ್ಟಿದ್ದಾರೆ. ನಾನು ಇದರ ಅಧ್ಯಕ್ಷನಾಗಿ ಕೆಲಸ ಮಾಡಲು ಅನುವು ಮಾಡಿಕೊಟ್ಟ ನಮ್ಮ ಸದಸ್ಯರಿಗೆ ನನ್ನ ಕೃತಜ್ಞತೆಗಳು.

ನಾವು ಪ್ರತಿ ವರುಷ ಸಂಕ್ರಾತಿ ಹಬ್ಬವನ್ನು ಆಚರಿಸುತ್ತ ಬಂದಿದ್ದೇವೆ. ಈ ವರುಷ ಐದನೇ ವಾರ್ಷಿಕ ಉತ್ಸವ ಶೆಫೀಲ್ಡ್ ಬಳಿ ಬಹಳ ಯಶಸ್ವಿಯಾಗಿ ಜರುಗಿತು. ವೈ. ಎಸ್. ಕೆ. ಬಿ. ಹುಟ್ಟಿದ ಸಮಯದಲ್ಲೇ ಅಸ್ತಿತ್ವಕ್ಕೆ ಬಂದ ಕನ್ನಡ ಸಾಹಿತ್ಯ ಮತ್ತು ಸಾಂಸ್ಕೃತಿಕ ವಿಚಾರವೇದಿಕೆ (ಅನಿವಾಸಿ) ತನ್ನ ಐದನೇ ಮೈಲಿಗಲನ್ನು ದಾಟಿದ್ದು ಮತ್ತು ಈ ‘ಸಂಕ್ರಾಂತಿ ಸಂಜೆ’ ಕಾರ್ಯಕ್ರಮದಲ್ಲಿ ಭಾಗವಹಿಸಿದ್ದು ವಿಶೇಷವಾದ ಸಂಗತಿ.

ಯಾವುದೇ ಸಂಘ ಸಂಸ್ಥೆ ಯಶಸ್ಸನ್ನು ಕಾಣಬೇಕಾದರೆ ಅಲ್ಲಿಯ ಸದಸ್ಯರ ಒಮ್ಮತ, ಒಗ್ಗಟ್ಟು, ಸಹಕಾರ ಮತ್ತು ಬೆಂಬಲಗಳು ಅಗತ್ಯ. ಈ ಕಾರ್ಯಕ್ರಮಕ್ಕೆ ನಮ್ಮ ಹಿರಿಯ ಕಿರಿಯ ಸದಸ್ಯರು ಪ್ರೀತಿ ವಿಶ್ವಾಸಗಳಿಂದ ತಮ್ಮ ಪರಿಶ್ರಮ ಮತ್ತು ಸಮಯವನ್ನು ನೀಡಿ ಈ ಕಾರ್ಯಕ್ರಮವನ್ನು ಯಶಸ್ವಿಗೊಳಿಸಿದರು. ಇಲ್ಲಿ ಕೌಟುಂಬಿಕ ಅನ್ಯೋನತೆ ಮತ್ತು ಸಾಮರಸ್ಯದ ಭಾವನೆಗಳಿವೆ.

ಯಾವುದೇ ಕಾರ್ಯಕ್ರಮದ ಯಶಸ್ಸಿಗೆ ಆಗಮಿಸಿದ ಅತಿಥಿಗಳು ಕೂಡ ಕಾರಣರಾಗಿರುತ್ತಾರೆ. ನಮ್ಮ ಈ ಕಾರ್ಯಕ್ರಮಕ್ಕೆ ಮುಖ್ಯ ಅತಿಥಿಗಳಾದ ರೇಡಿಯೋ ಗಿರ್ಮಿಟ್ ಖ್ಯಾತಿಯ ಗೌರಿ ಪ್ರಸನ್ನ ಅವರು ಆಗಮಿಸಿದ್ದು ಎಲ್ಲರು ಅವರ ಸಂಕ್ರಾಂತಿಯ “ಹರಟೆ” ಯನ್ನು ಮೆಚ್ಚಿಕೊಂಡರು. ಸಂಕ್ರಾಂತಿಯ ವಿವಿಧ ಸಾಂಸ್ಕೃತಿಕ ರೂಪಗಳನ್ನು ಹಿನ್ನೆಲೆಗಳನ್ನು ಪರಿಚಯಿಸಿದರು. ಅವರ ಹಾಸ್ಯ ಪ್ರಜ್ಞೆ ಹರಟೆಗೆ ಮೆರುಗನ್ನು ತಂದಿತ್ತು. ಗೌರಿ ಪ್ರಸನ್ನ ರವರು ಈ ಹರಟೆಯನ್ನು, ವಿಡಿಯೋ ಗಿರ್ಮಿಟ್ ನಲ್ಲಿ ಮತ್ತೊಮ್ಮೆ ಮರು ನಿರ್ಮಿಸಿ ಪ್ರಸ್ತುತ ಪಡಿಸಿದ್ದಾರೆ.

ಗೌರಿ ಅವರು ನಿರ್ದೇಶಿಸಿದ ‘ಗಿಳಿವಿಂಡು’ ತಂಡದವರು ಗಿರೀಶ್ ಕಾರ್ನಾಡ್ ಅವರ ತಲೆದಂಡ ನಾಟಕದ ಕೆಲವು ಸನ್ನಿವೇಶಗಳನ್ನು ಪ್ರಸ್ತುತ ಪಡಿಸಿದರು. ಬಸವಣ್ಣ ಮತ್ತು ಬಿಜ್ಜಳರ ನಡುವಿನ ಧಾರ್ಮಿಕ, ಸಾಮಾಜಿಕ ಬಿಕ್ಕಟ್ಟುಗಳು ಪರಿಣಾಮಕಾರಿಯಾಗಿ ರಂಗದ ಮೇಲೆ ಮೂಡಿಬಂದಿತು. ಪ್ರಸನ್ನ ಮತ್ತು ಪ್ರಮೋದ್ ಅವರು ವಿವಿಡ್ ಲಿಪಿಯ ಕೆಲವು ಉತ್ತಮ ಪುಸ್ತಕಗಳನ್ನು ಪುಸ್ತಕ ಪ್ರದರ್ಶನದೊಂದಿಗೆ ಪರಿಚಯಿಸಿದರು

ಅಂದು ಸಂಜೆ ಸಂಗೀತವನ್ನು ಒದಗಿಸಿದ ವಿಜಯೇಂದ್ರ ಮತ್ತು ಅವರ ಪತ್ನಿ ಶ್ರೀದೇವಿ ಅವರು ಮೊದಲಿಗೆ ಸುಮಧುರ ಸಿನಿಮಾ ಹಾಡುಗಳನ್ನು ಹಾಡಿ ಎಲ್ಲರ ಮನತಣಿಸಿ ನಂತರ ಫಾಸ್ಟ್ ನಂಬರ್ ಗಳನ್ನು ಹಾಡಿದಾಗ ಜನ ಹುಚ್ಚೆದ್ದು ಕುಣಿದರು.

ವೈ. ಎಸ್. ಕೆ. ಬಿ. ಯ ಕಿರಿಯ, ಹಿರಿಯ ಸದಸ್ಯರು ಮತ್ತು ಚಿಣ್ಣರು ತಮ್ಮ ವಯಸ್ಸು ಹಾಗೂ ಶಕ್ತಿಗೆ ಅನುಗುಣವಾಗಿ ಉತ್ಕೃಷ್ಟವಾದ ಮನೋರಂಜನಾ ಕಾರ್ಯಕ್ರಮಗಳನ್ನು ಒದಗಿಸಿದರು. ಕಾರ್ಯಕ್ರಮಗಳ ಜವಾಬ್ದಾರಿಯನ್ನು ಹೊತ್ತ ಶ್ರೀಮತಿ ವ್ರತ ಚಿಗಟೇರಿ ಮತ್ತು ಡಾ ಸುಮನಾ ನಾರಾಯಣ್ ಅವರ ಸಾಧನೆಗಳನ್ನು ಸ್ಮರಿಸಲಾಯಿತು

ಅನಿವಾಸಿ ನಡೆದು ಬಂದ ದಾರಿಯನ್ನು ಕೇಶವ್ ಮತ್ತು ರಾಮ್ ಶರಣ್ ಒಂದು ಸುಂದರ ಸ್ವಾರಸ್ಯಕರ ಸಂಭಾಷಣೆಯಲ್ಲಿ ಸಭಿಕರಿಗೆ ಸಂಕ್ಷಿಪ್ತವಾದ ಪರಿಚಯ ಮಾಡಿಕೊಟ್ಟರು. ಅನಿವಾಸಿ ಕಾರ್ಯಕ್ರಮದ ಅಂಗವಾಗಿ “ಕವಿ ನೋಡಿ ಕವಿತೆ ಕೇಳಿ” ಎಂಬ ಕಾರ್ಯಕ್ರಮದಲ್ಲಿ ಕೇಶವ್, ರಾಮಶರಣ್, ಗೌರಿ ಮತ್ತು ನಾನು ನಮ್ಮ ಕವಿತೆಗಳನ್ನು ಪ್ರಸ್ತುತಪಡಿಸಿದೆವು. ವೈದ್ಯನಾಗಿ ನಾನು NHS ಆಸ್ಪತ್ರೆಗಳ ಕುರಿತಾಗಿ ಬರೆದ ಪದ್ಯವನ್ನು ಹಿಂದೆಯೇ ಗಮನಿಸಿದ ಗೌರಿ ಅವರು ಆಸ್ಪತ್ರೆಗೆ ಬರುವ ರೋಗಿ ಮತ್ತು ಅವರ ಕುಟುಂಬದವರ ಪ್ರತಿಕ್ರಿಯೆ ಹೇಗಿರಬಹುದು ಎಂಬ ಬಗ್ಗೆ ತಾವು ಬರೆದ ಕವನವನ್ನು ಮಂಡಿಸಿದರು. ನಾವು ಅಂದು ಓದಿದ ಕವಿತೆಗಳನ್ನು ಇಲ್ಲಿ ಪ್ರಕಟಿಸಲಾಗಿದೆ. ಈ ಕವನಗಳಿಗೆ ಹಾಸ್ಯ ಮತ್ತು ಲಘು ಹಿನ್ನೆಲೆಗಳಿದ್ದು ಒಮ್ಮೆ ನಕ್ಕು ಮರೆತು ಬಿಡುವ ಪದ್ಯಗಳು ಎಂದು ಭಾವಿಸಬಹುದು.

ಒಟ್ಟಾರೆ ಸಂಕ್ರಾತಿ ಕಾರ್ಯಕ್ರಮ ನಮ್ಮೆಲ್ಲರ ನೆನಪಿನಲ್ಲಿ ಉಳಿಯುವ ಒಂದು ಅಪೂರ್ವ ಸಂಜೆ!

ಕವಿ ನೋಡಿ ಕವಿತೆ ಕೇಳಿ

ನಮ್ಮ ನೆಚ್ಚಿನ NHS

ಫೇಸ್ಬುಕ್ ಗೀತೆ

NHS..ನನ್ನ ಅನುಭವ(as a ಪೇಶಂಟ್)